2.flokkur í Vesturbænum

2.flokkur Leiknis hóf leik í Reykjavíkurmótinu á sunnudaginn þegar liðið mætti KR á glænýju gervigrasi Vesturbæinga í Frostaskjólinu.

Leiknismenn byrjuðu betur og komust yfir eftir um hálftíma leik þegar Daníel Finns kom Leikni yfir með frábæru skoti af löngu færi.

Eftir að Leiknismenn komust yfir var leikurinn í járnum og tókst hvorugu liðinu að skora lengi vel.

KR-ingum tókst loks að rjúfa varnarmúr Leiknismanna þegar um fimm mínútur voru eftir að venjulegum leiktíma og jöfnuðu leikinn 1-1

Vesturbæingar kórónuðu síðan endasprett sinn á lokamínútum venjulegs leiktíma þegar þeir skoruðu sigurmark leiksins.

Tap því staðreynd í fyrsta leik hjá 2.flokki en okkar menn mæta aftur galvaskir til leiks 19.nóvember þegar þeir spila gegn Þrótti í Laugardalnum.

Höfundur:

Post a Comment

Your email is never published nor shared. Required fields are marked *

*
*