Langþráður Leiknissigur
Þór 1:2 Leiknir
VÍS völlurinn á Akureyri, laugardaginn 22. júní 2024.
8. umferð í Lengjudeildinni. Dómari: Gunnar Freyr Róbertsson.
Mörk Leiknis:
58' - Omar Sowe
87' - Shkelzen Veseli
Leiknisstrákarnir okkar sýndu mikinn karakter og baráttuvilja þegar þeir lönduðu góðum 3 stigum gegn Þór fyrir norðan. Ólafur Hrannar Kristjánsson stýrði liðinu sem aðalþjálfari í þessum leik. Shkelzen Veseli skoraði sigurmark Leiknis og var að skora í öðrum leiknum í röð. Næsta verkefni Leiknis er heimaleikur gegn Þrótti á miðvikudagskvöld.
Fyrri hálfleikurinn fyrir norðan var fullur af baráttu en markalaus. Patryk þurfti að fara af velli vegna meiðsla í fyrri hálfleik. Leiknismenn áttu álitlegar skyndisóknir og nýttu það vopn áfram í seinni hálfleik. Fyrsta mark leiksins kom einmitt úr einni slíkri þegar Jón Hrafn brunaði með boltann upp völlinn og fann Omar Sowe í teignum sem skoraði gott mark.
Á 79. mínútu fengu heimamenn víti sem Birkir Heimisson skoraði úr með skoti í slá og inn. Sitt hvorum megin við vítið skoruðu Þórsarar tvö mörk sem bæði voru dæmd af vegna rangstöðu.
Leiknir hélt áfram að nýta skyndisóknirnar vel og skoruðu sigurmarkið líka úr skyndisókn. Á 87. mínútu kom sigurmarkið þegar Aron Einarsson fékk boltann á góðu svæði, fann Omar Sowe í flottu hlaupi upp kantinn. Omar átti fyrirgjöf sem varnarmaður Þórs náði ekki að hreinsa og fann Shkelzen Veseli á fjærstönginni sem hafði tekið frábæran sprett upp allan völlinn, tók á móti boltanum og setti hann í markið framhjá markverði Þórs. Verulega vel gert hjá Leikni og liðið náði að klára leikið með góðum varnarleik og taka þrjú stig með sér í rútuna heim í Breiðholtið.
Leikurinn í heild á YouTube-síðu Lengjudeildarinnar
Umfjöllun um leikinn á Fótbolti.net
Umfjöllun um leikinn á Akureyri.net
Viðtal við Ólaf Hrannar um leikinn
Viðtal við Ólaf Hrannar um þjálfarastöðuna
Byrjunarlið Leiknis gegn Þór:
1 - Viktor Freyr Sigurðsson
4 - Patryk Hryniewicki
5 - Daði Bærings Halldórsson (fyrirliði)
6 - Andi Hoti
7 - Róbert Quental Árnason
10 - Shkelzen Veseli
19 - Jón Hrafn Barkarson
20 - Hjalti Sigurðsson
23 - Arnór Ingi Kristinsson
44 - Aron Einarsson
67 - Omar Sowe
Varamenn:
92 - Sigurður Gunnar Jónsson (inn á 38' fyrir Patryk)
22 - Þorsteinn Emil Jónsson (inn á 64' fyrir Jón Hrafn)
18 - Marko Sivkovic (inn á 90'+2 fyrir Arnór Inga)
Mynd: Þórir Þórisson