LEIKNIR 0-5 KA

Afhroð beið okkar manna gegn Gulu Grýlunni frá Akureyri í 13. umferð Bestu deildarinnar á Domusnovavellinum í dag. Okkar menn sáu vart til sólar fyrir feyknasterku liði sem hefur veriðí lægð en náði vopnum sínum í okkar bakgarði. Það er erfitt að kyngja því en ógerningar að fegra það með nokkru móti. 0-5 niðurstaðan og óþarfi að deila með ykkur umfjöllun fjölmiðla osfrv. Við þerrum bara tárin og tökum ÍBV í næsta. 

Eftir mikla veislu í síðustu viku á Samsung vellinum varð brotlending á heimavelli í dag. En eins og mjög vitur maður lét falla í dag; "Það er betra að tapa einum leik 5-0 en að tap fimm leikjum 1-0." Það eru orð að sönnu og þegar skoðað er í valdatíð okkar allra besta Sigga Höskulds má finna að þeir gulklæddu eru hreinlega með okkur í höndum sér. 5 leikir í deild og bikar á rétt rúmum 2 árum og markatalan er 16-0 Akureyringum í vil. Síðasta tímabil og þarsíðasta töldust ein þau farsælustu í sögu félagsins og svo mun einnig vera um þetta tímabil. Við náum vopnum okkar og látum Eyjamenn finna fyrir því eftir viku, á sama vikudegi, á sama tíma. 

#StoltBreiðholts